Në kuadër të bashkëpunimit disa vjeçar me organizatën gjermane GIZ, Komunën e Drenasit dhe ndërmarrjen “Pastrimi”, kanë vazhduar aktivitet intensive ne një punëtori dy ditore në Bogë të Pejës mbi Planifikimin e menaxhimit të mbeturinave në Komunën e Drenasit. Pas suksesit të pilot projektit në Komoran dhe Tërstenik si dhe në fshatin Vërboc dhe Kizhnarek është paraqit kërkesa që shërbimi derë me derë për menaxhim të mbeturinave të vazhdoj edhe në fshatin Damanek dhe Nekoc.
Në punëtorin dy ditore, është bërë bërë Plani për Hartimin e menaxhimit të mbeturinave në Komunën e Drenasit. Grupi Punues i përberë nga ekspertët e Komunës së Drenasit, organizatës gjermane GIZ, përfaqësuesi i ndërmarrjes “Pastrimi” dhe në mbështetje teknike nga organizata CEDE ka diskutuar dhe hartuar planin strategjik për menaxhimin e mbeturinave. Në këtë punëtori është diskutuar qështja dhe mundësia e zgjerimit të shërbimit edhe në fshatra të tjera duke u bazuar në kërkesat e mëdha të banorëve dhe suksesit që kanë treguar pilot projekti në Komoran, Tërstenik, Vërboc dhe Kizhnarekë. Ndërsa si pika tjera të këtij takimi që mbeten të kryhen gjatë këtij viti ishin; riorganizimi i lokacioneve për kontinjerët 1.1 m3 dhe ofrimi i shërbimit derë me derë ne qendër të qytetit të Drenasit, ndarja e mbeturinave, grumbullimi i mbeturinave të vëllimshme dhe ndërimore si dhe caktimi i një lokacioni, eleminimi i deponive ilegale dhe identifikimi i tyre, përcaktimi i tarifave për grumbullimin e mbeturinave, fuziqimi dhe mbështetja e inspektorëve mjedisorë në kryerjen e detyrave, ndërgjegjësimi i publikut sidomos në qendër të qytetit dhe prezentimi i të dhënave, finalizimi i shërbimeve në Vërboc dhe Kizhnarekë, kyçja e bizneseve në shërbim në Komoran si dhe mundësia e aplikimit ne fondet e IPA-së dhe organizatat të ndryshme ndërkombëtare.
