Ftesë
Takim informues lidhur me thirrjen publike
Vendi: Salla e Kuvendit Komunal Fushë Kosovë,
Datë : 28.04.2023 (E premte)
Ora : 10.00-12.00
Pjesëmarrës: Qytetarët e komunave Fushë Kosovë, Prishtinë, Lipjan, Obiliq, Gllogoc, Podujevë, Shtime dhe Graçanicë.
Të nderuar/a,
Ministria e Administrimit te Pushtetit Lokal me datën 20.04.2023 ka publikuar dy thirrje:
- Thirrjen publike për ndërtimin e shtëpive për pjesëtaret e komuniteteve jo shumicë në komuna për të cilët ndihma është e nevojshme. Thirrja ka për qëllim që pjesëtareve të komuniteteve jo shumicë në komuna në Republikën e Kosovës, të cilët janë në gjendje të rëndë ekonomike dhe sociale, e të cilët nuk kanë kushte adekuate të banimit, me qëllim të ju krijohen kushte normale për jetesë. Linkun me informata te detajuara e gjeni të bashkangjitur: https://mapl.rks-gov.net/shpallje-konkurse/thirrje-per-propozime/
dhe
- Thirrjen publike për renovimin e shtëpive/banesave për pjesëtaret e komuniteteve jo shumicë në komuna për të cilët ndihma është e nevojshme. Thirrja ka për qëllim që pjesëtareve të komuniteteve jo shumicë në komuna në Republikën e Kosovës, të ju sigurojë mbështetje financiare dhe materiale për renovimin e shtëpive/banesave familjeve apo individëve të cilët për shkaqe sociale dhe ekonomike jetojnë në kushte të vështira. Linkun me informata të detajuara e gjeni të bashkangjitur: https://mapl.rks-gov.net/shpallje-konkurse/thirrje-per-propozime/
Me qëllim të informimit sa më të drejt dhe gjithëpërfshirës do të realizohen takimet informuese rajonale rreth aplikimit për këto dy thirrje.
Me datën 28.04.2023 (E premte) realizohet takimi në sallën e Kuvendit Komunal Fushë Kosovë, duke filluar nga ora 10.00-12.00. Qytetarët e komunave të cilat ftohen në këtë seancë janë qytetarët nga komunat: Fushë Kosovë, Prishtinë, Lipjan, Obiliq, Gllogoc, Podujevë, Shtime dhe Graçanicë.
Ju lutem që të shperndani linkun e thirrjes për aplikim në web faqet e komunave të juaja: https://mapl.rks-gov.net/shpallje-konkurse/thirrje-per-propozime/ dhe të njoftoni komunitetin përmes formave të njoftimit të cilat komuna e juaj i përdor si mekanizëm për informim më të drejt të qytetarëve.
Për informata të detajuara rreth aplikimeve në seanca do të marrin pjesë zyrtar nga MAPL.
Me respekt,
