Në Komunën e Drenasit ka filluar regjistrimi i diasporës dhe mërgatës, projekt ky në bashkëpunim me Ministrinë e Diasporës, andaj ftohen të gjithë qytetarët e Komunës sonë që kanë vendbanim apo vendqëndrim jashtë Republikës së Kosovës, që ka lindur ose ka prejardhje familjare nga Kosova, të vijnë që të regjistrohen.
Regjistrimi bëhet në hyrje të Objektit të Komunës, në Sheshin “Fehmi Lladrovci” dhe në Zyret e ARC-së.
Gjithashtu ju njoftojmë se qëllimi i Regjistrit është evidencimi i numrit të saktë të pjesëtarëve të diasporës dhe mërgatës, shtrirja e tyre gjeografike, struktura demografike në funksion të ruajtjes së identitetit kulturor, gjuhësor dhe arsimor, si dhe zbatimi i politikave të përgjithshme në mbështetje të pjesëtarëve të diasporës dhe të mërgatës nga institucionet e Republikës së Kosovës, shtetet ku jeton dhe vepron diaspora e mërgata dhe formave të organizimit të tyre. 