Sot, Shkolla e Mesme Profesionale “Fehmi Lladrovci” ka shënuar Ditën së shkollës, me rastin e ditëlindjes së Heroit të Kosovës, Fehmi Lladrovci, që kjo shkollë me krenari mbanë emrin e tij.
Në këtë festë mori pjesë Kryetari i Komunës, Ramiz Lladrovci me bashkëshorten Shemsije Lladrovci, dhe Nënkryetari i Komunës, Gani Sylaj me bashkëpunëtor.
Festa e Ditës së shkollës u hap me një fjalë rasti nga Drejtori i shkollës, Lulzim Nika i cili foli rreth historikut dhe sukseseve të shkollës.
Pastaj një fjalë rasti mbajti Nënkryetari i Komunës, Gani Sylaj, i cili tha “të gjithë jemi krenar që kjo shkollë e mban emrin e Heroit të Kosovës, Fehmi Lladrovci, i cili tërë jetën ia kushtoi çlirimit të Kosovës. Sot, ne gëzojmë shtetin e Kosovës për të cilën ra Fehmiu e Xheva dhe gjenerata veprimtarësh deri te UÇK-ia. Shtrohet pyetje: Çfarë mendonte kur femiu ishte në moshën tuaj, nxënës të dashur? Ai mendonte dhe vepronte për çlirimin e Kosovës dhe kjo u arrit. Tani në Kosovën e lirë ju jeni ata që do të ndërtoni Kosovën e re. Nëse ju nuk i keni të gjitha ato kushte si në vendet e zhvilluara, ju në disa lëmi jeni të barabartë me ta sepse jeni të lidhur përmes internetit dhe mjeteve tjera elektronike. Ju nxënës të dashur jeni ai brez i cili synon që Kosovën ta çoj përpara që të bëhet e barabartë me vendet e zhvilluara. Për t’u arritur kjo duhet të veprojmë siç na mësonte i madhi Naim Frashëri i cilit thoshte “punë, punë natë e ditë që të shohim pakëz dritë”. Në fund ju them së pari duhet të mësoni, së dyti të mësoni dhe së treti përsëri të mësoni.” Gjithashtu Nënkryetari Sylaj dhe Drejtori Nika bënë zbulimin e pikturës të dhuruar nga piktori Ylber Haxhiu.
Në fund me këngë, valle dhe recitale u përmbyll festa e Ditës së shkollës.
