Komuna e Drenasit, përkatësisht Drejtoria për Bujqësi dhe Zhvillim Ekonomik do të ndihmojë fermerët që kanë më shumë se pesë (5) lopë qumështore me nga një makinë mjelëse.
Drejtori i DBZHE, z. Skënder Hasi, ka treguar se Komuna për këtë projekt ka ndarë mjete në shumë prej 17.500 euro, për afro 100 makina mjelëse për fermerët që kanë më shumë se pesë (5) krerë lopë qumështore. “Edhe këtë vit kemi menduar t’i ndihmojmë fermerët e nënsektorit të Blegtorisë të cilët kanë mbi pesë (5) krerë të lopëve qumështore me nga një makinë mjelëse dhe besojmë që do të inkurarojmë fermerët tanë që të shtojnë numrin e lopëve qumështore dhe do të rrisin prodhimtarinë e qumshtit. Në këtë projekt do të përfshihen të gjithë fermerët që i kanë plotësuar kriteret e përcaktuara sipas shpalljes zyrtare”, ka thënë z. Hasi.
Sipas tij makinat mjelëse janë të një cilsie dhe kapaciteti të lartë dhe më të avancuarat në këtë lëmi,me një makinë të tillë arrihet të milen deri në 20 krerë lopë gjatë një dite.
Vlenë të potencohet se Komuna e Drenasit para disa muajsh ka ndihmuar 48 fermerë me nga një serrë në sipërfaqe prej 1 ari kurse në shtatorë do të realizohet edhe projekti i ngritjës së afro 20 ha me pemishte të reja.
