Nën patronatin e Kryetarit të Komunës, z. Nexhat Demaku, të dielën në turnirin e 14 Tradicional Memorial në futboll të vogël "Rasim Kiqina" është përmbyllur në Ditën e Çlirimit, pas 15 ditësh lojë të zhvilluara, ku Klubi i Futbollit "Feniks" fiton kupën kundër ekipit "DonaTerm".
Zyrtarisht të dielën është përmbyllur Turniri Tradicional Memorial në futboll të vogël "Rasim Kiqina" në ditën e Çlirimit të Drenasit dhe ditën e Dëshmorëve, ku për dy javë është mbajtur nën patronatin e Kryetarit të Komunës dhe kanë marrë pjesë rreth 90 ekipe në futboll të vogël. Në finalen e madhe të këtij turniri merrnin pjesë Kryetari Demaku, nënkryetari i Komunës, z.Arsim Haxhiu, drejtor të drejtorive komunale, përfaqësues të medieve, tifoz ekipesh finaliste dhe qytetarë. Hapjen e këtij turniri me lojë miqësore e benë djemtë e familjarëve të rastit "Drenica" dhe Kiqina e Ramadani". Ndërsa lojë miqësore është zhvilluar edhe në mes të Komunës së Drenasit dhe Ministrisë së Forcës së Sigurisë së Kosovës. Në ndeshjen finale janë takuar ekipi i Feniksit dhe i DonaTerm dhe loja ka përfunduar me rezultat 8:2 në favor të Feniksit ku edhe është shpallur fitues i këtij turniri, ndërsa në vendin e dytë Dona Term, dhe në vendin e tret Korabi. Ekipi më Fer play është zgjedhur "FSK" Prishtinë, lojtari më i mirë Mentor Mejzini nga Feniksi, goli më i mirë nga Azem Ibrahimi po ashtu nga Feniksi, golashënuesi më i mirë Kushtrim Krasniqi nga DonaTerm, dhe portieri më i mirë Fitim Preniqi. Në turnir u nda edhe pllakat për familjen e Heroit të Kosovës, Rasim Kiqina, mirënjohje për FSK-në, Kryetarin e Komunës, kupa, dresë, mirënjohje dhe medalje. Kurse organizatorët e turnirit kanë nda po ashtu për vendin e parë vlerën prej 500 euro, të dytin 300 euro dhe për vendin e tret 150 euro. 
