Më këtë rast, kryetari i Komunës, Nexhat Demaku, ka thënë se simbolikisht kanë shënuar këtë ditë me pastrimin e qytetit nga mbeturinat për të shënuar ditën e tokës dhe ruajtjen e ambientit. Komuna e Drenasit në bashkëpunim me ndërmarrjen e “Ferronikelit”, ndërmarrjen “Pastrimi”, KFOR-in, OJQ-të dhe qytetarët kanë shënuar të premten ditën e tokës duke pastruar gjitha pjeset e qytetit, oborret e shkollave dhe vende të tjera. Më këtë rast, kryetari i Komunës, Nexhat Demaku, ka thënë se simbolikisht kanë shënuar këtë ditë me pastrimin e qytetit nga mbeturinat për të shënuar ditën e tokës dhe ruajtjen e ambientit. “Ky është një aktivitet tashmë tradicional për të pastruar, mirëpo ju bejë apel të gjithëve që të ngrisin vetëdijën për të mbajtur një ambient me të pastër kudo, sepse është pasqyrë e mirë nese mbahet një ambient i pastër. Ne kemi hartuar disa projekte për të ruajtur ambientin, mirëpo me keqardhje gjendja nuk ka shënuar ndonjë përmirësim, sepse mungon edhe vetëdijesimi i qytetarëve për të ruajtur ambientin”, ka thënë Demaku. Për të shënuar këtë ditë, kanë dalë për të pastruar edhe përfaqësues të “Ferronikelit” ne krye me ish-drejtorin Joannis Gajtanos, përfaqësues të Kryqit të Kuq, nga Shtëpia e Shendetit, nxenës e qytetarë. “Ferronikeli”, ka dhuruar 70 fidane të pishës që janë mbjellur disa në sheshin e qytetit “Fehmi Lladroci” dhe në gjimnazin “Gjergj Kastrioti-Skenderbeu” si dhe 20 kontinjer që janë shpërndar po në këto dy lokacione.
“Ferronikeli” dhuron 70 fidane të pishës dhe 20 kontejnerë
