Në kuadër të projektit për zgjerimin e shërbimit për menaxhim të mbëturinave, Drejtoria e Shërbimeve dhe Emergjencë të enjtën ka bërë shpërndarjen e kontinjerëve për 150 ekonomi familjare. Shpërndarja e kontinjerëve ka filluar në fshatin Llapushnik, përkatësisht tek lagja e quajtur Poterrk që kanë pranuar shërbimin 150 ekonomi familjare dhe kanë nënshkruar kontrata me kompaninë "Pastrimi". Ekpet e Drejtorisë së Shërbimeve Publike dhe Emergjencë,në bashkëpunim edhe më organizatën CEDE kanë filluar aktivitetin e tyre në terren, aktivitet ky i cili do të vazhdoj edhe ditëve të tjera në vazhdim dhe ka mbetur që përfaqësuesit e lagjëve të fshatit Llapushnik të sjellin listat e ekonomive familljare më qëllim që sa më parë të mbulohët i terë fshati në shërbim, ashtu siç edhe është paraparë nga DSHPE-ja. Shqetësim mbetet që kompania "Pastrimi" të paiset me automjete në mënyrë që ky projekt të realizohet dhe mbledhja e mbeturinave të bëhët me kohë sipas orarit të caktuar ne mes të kompanisë dhe qytetarëve. Drejtoresha e DSHPE-së, znj.Hyrije Xhemajlaj-Thaqi ka treguar se zgjerimi i shërbimit për menaxhim të mbeturinave në Komunën e Drenasit po vazhdon sipas dinamikës së planifikuar të këtij projekti i cili është shumë i rendësishëm për qytetarët e Drenasit dhe ka theksuar se zgjerimi do të vazhdoj edhe vitin e ardhshëm që Drenasi të përfshijë të gjitha fshatrat në këtë shërbim. Ajo ka kërkuar nga qytetarët qe të pranojnë këtë shërbim i cili është në dobi të tyre për arsye që eleminojnë deponitë ilegale dhe krijojnë një ambient të pastër. Ndryshe DSHPE këtë vit ka larguar dhjetra deponi ilegale në fshatra.
