Drejtorati për Shërbime Publike dhe Emergjencë

Sipas raportit tremujor të Drejtoratit për Shërbime Publike dhe Emergjencë, Zjarrfikësit e Drenasit kanë intervenuar në 208 raste të natyrave të ndryshme në zjarre fushore-malore ku janë djegur sipërfaqe të mëdha malore në vendet e ndryshme si: Tërdec, Abri, Tërstenik, Arllat, Dobroshec, Gllanasellë, Gradicë, Krivovë etj.

Zjarri kishte depërtuar në këto pjesë fushore-malore të këtyre fshatrave si pasojë e temperaturave të larta dhe thatësisë së madhe, mirëpo gjendja e gadishmërisë ka qenë në nivel të lartë gjatë ditëve të verës,  përshkak të thatsisë dhe vapës që ka dhënë rezultate të pritura.
Pas ndërhyrjes së Zjarrfikësve në bashkpunim me qytetar të këtyre fshatrave është bërë lokalizimi i zjarrit duke përdorur ujë për shurje, fikja e zjarreve malore është bërë kryesisht me çanta shpinore deri në lokalizimin e tërsishëm të tij. Bashkëpunim dhe koordinim ishte i mire ,e AME-në, Zjarrfikësit e Feronikelit, FSK-në, si dhe APK-në, po ashtu edhe me stacionet e tjera të zjarrfikësve të cilët kanë ndihmuar në shurjen e zjarrit tek pishat në Krivovë, ku janë djegur një sipërfaqe e madhe e pishave.
Zjarrfikesit e Drenasit kanë kryer mbi 50 shërbime teknike, kanë furnizuar qytetarët me ujë të pijshëm për shkak të thatësisë së madhe dhe mungesës së ujit nëpër disa vende ku kishte mungesa të mëdha të ujit, po ashtu gjatë këtyre tre muajve kanë pasur gjithësej 4 intervenime në aksidente rrugore. Dihet se shërbimet e zjarrfikësve kanë obligime te mëdha ne fushën e përgjithësive, andaj apelojmë tek qytetarët  që të kenë kujdes në ruajtjen e ambientit dhe pasurisë së tyre, tu dalin në ndihmë zjarrfikësve në zjarre fushore-malore, për shkak të numrit të vogël të punëtorve dhe hapsirave të mëdha të zjarreve, të ndihmojnë në shurjen e tyre të cilat kanë pushtuar vendin tonë.