Drejtoria e Kulturës Rinisë dhe Sporteve në Drenas organizon manifestimin tradicional “Ditët e Humorit Drenasi 2013” i cili do të mbahet për tri ditë dhe do të marrin pjesë 12 komuna.
“Ditët e Humorit Drenasi 2013” fillon me datën 29 tetor të këtij viti dhe do të vazhdoj edhe për dy ditë të tjera me 30 e 31 tetor për të përmbyllur edhe natën finale. Ky organizim do të zhvillohet ne Shtëpinë e Kulturës në Drenas dhe marrin pjesë humoristët më të mirë amator të këtyre komunave: Fushë Kosova, Obiliqi, Istogu, Podujeva, Vushtrria, Kaçaniku, Peja, Skenderaj, Malisheva, Vitia, Drenasi dhe Mitrovica. Mbrëmjet fillojnë nga ora 16:00, dy mbrëmjet e para janë eliminuese, ndërsa mbrëmja e tretë është finalja ku bëhet edhe ndarja e çmimeve.
