Certifikohen 20 të rinj të Drenasit nga OJQ “AKTI”
Pas trajnimit tre mujor të organizuar nga organizata rinore “AKTI”, 20 të rinj nga Komuna e Drenasit, kanë pranuar certifikata për pjesëmarrje në fuqizimin dhe aftësimin e tyre për tregun e punës me temën “Shkathtësitë bazë jetësore dhe punësueshmëria”.
Me këtë rast, drejtori ekzekutiv i OJQ-së “AKTI”, Rexhep Gojnovci, ka përgëzuar të rinjtë e Drenasit, të cilët ishin shumë aktiv gjatë trajnimit, duke shtuar se përmes këtij trajnimi në fuqizimin e profesionit të tyre, sa më shpejtë të jenë pjesë në tregun e punës. Gojnovci ka falënderuar Komunën e Drenasit dhe gjithë akteret tjerë që kanë përkrahur implementimin e këtij projekti dhe ka treguar se faza e dytë e përgatitjes së të rinjve për tregun e punës do të vazhdoj gjatë muajit Mars të këtij viti.
Implementimi i këtij projekti, ka ardhur falë nënshkrimit të mirëkuptimit mes kryetarit Lladrovci dhe drejtorit Gojnovci, për realizimin e projektit “përfshirja sociale dhe fuqizimi ekonomik i të rinjve dhe familjeve, përmes masave për krijimin e të ardhurave”.
Projekti është duke u implementuar me SOS Fshatrat e Fëmijëve në Kosovë, ndërsa financohet nga The German Federal Ministry for Economik Coopertion and Development (BMZ) dhe Hermann-Gmeiner Fund Germany (HGFD).
Qëllimi i këtij projekti është që të kontribuojë drejtë përmirësimit të perspektivave të punësimit, mirëqenies sociale dhe ekonomike të të rinjve dhe familjeve në Komunën e Drenasit përmes përfshirjes së tyre në tregun e punës.
