Bordi i Drejtorëve Komunal të Drenasit ka diskutuar Draft-Kornizën Afatmesme Buxhetore Komunale për vitin 2014-2016 që është vlerësuar se buxheti komunal për vitin 2014 planifikohet të jetë në shumë prej 10.982.413.00 euro.
Procesi i planifikimit të buxhetit për vitin 2014-2016 ka filluar që nga data 14.05.2013 bazuar në çarkorën buxhetore 2014/01 për Komuna të lëshuar nga Ministria e Financave. Si rezultat i aktiviteteve të zhvilluara prej datës 14 deri me datën 30 maj është arritur përgatitja e draft-kornizës afatmesme buxhetore komunale 2014-2016, draft ky i cili është miratuar me datë 03.06.2013 nga ana e Bordit të Drejtorëve. Me rastin e prezantimit të Draft-Kornizës afatmesme buxhetore nga ana e drejtorit të për buxhet dhe financa, z. Hamdi Krasniqi është vlerësuar se buxheti komunal për vitin 2014 planifikohet të jetë në shumë prej 10.982.419.00 euro. Krahasuar me buxhetin aktual (2013) Komuna do të këtë një buxhet me të madh për +14.20%. , apo në vlerë financiare prej 1.315.812 euro. Me kërkesën e Kryetarit të Komunës, z.Nexhat Demaku që programet t’i kenë shpenzimet operative për vitin 2014 të njëjta si në buxhetin aktual, si rezultat të krejt kësaj kategorie ekonomike e shpenzimeve kapitale në vitin 2014 do të ketë një rritje të konsiderueshme prej +1.365.812 euro, gjegjësisht shuma e vlerësuar për shpenzime kapitale do të jetë 3.790.311 euro, pa investime të jashtme nga donatorët. Shikuar nga ky kënd është vlerësuar nga ana e Bordit të Drejtorëve se shpenzimet kapitale në vitin vijues do të marrin pjesë në buxhet përafërsisht 34.51 % për dallim nga viti aktual me një pjesëmarrje prej 25.21%. Pas miratimit të Draft KAB-it nga Bordi i Drejtorëve me qëllim të përmbushjes së transparencës është kërkuar që ky dokument të jetë i publikuar në ueb faqen e Komunës për ta konsultuar të gjithë të interesuarit dhe me qëllim që të plotësohet deri në mbarim të muajit qershor kur edhe do të miratohet nga ana e Kuvendit të Komunës para se të dorëzohet në Ministrinë e Financave. Vlen të theksohet se Kryetari i Komunës, z.Nexhat Demaku do të publikoj kalendarin e mbajtjes së dëgjimeve buxhetore neper të gjitha bashkësitë komunale me qëllim që çdo qytetar i Komunës të jetë i informuar lidhur me investimet e Komunës që do të behën ne tri vitet ne vijim.
