Asambelistët e Drenasit kthehen nga vizita zyrtare prej Gjermanisë

Komuna e Memmingenit në Gjermani ka qenë nikoqire e pesë asambleistëve të Komunës së Drenasit.
Me ftesë të kryetarit të komunës së Memmingenit Ivo Holziger, pesë anëtarë të Kuvendit Komunal të Drenasit kanë zhvilluar një takim disa ditorë në këtë qytet. Në përbërje të këtij delegacioni kanë qenë: kryesuesi i Kuvendit Komuna Naim Bazaj, si dhe asamblesitët Idriz Hysenaj, Xhavit Drenori, Sabrije Kukaj dhe Vehbi Berisha.
Bëhet e ditur se qëllimi i kësaj vizite ka qenë shkëmbimi i përvojave të kuvendeve komunale si dhe të shikohen fushat se ku mund të ketë një bashkëpunim në mes të dy komunave.

Delegacioni nga Komuna e Drenasit zhvilloj takime të shumta në këtë qytet, nga zyrtarë të komunës së Memmingenit u informuan më hollësisht për mënyrën se si funksionon kjo komunë e cila ka vetëm 41.000 banorë dhe është ndër qytete më të zhvilluara në Gjermani, me vetëm 2.5% të pa punëve.

Kryetari i Komunës së Mimmingenit prit në një takim mjaftë mikpritës delegacionin nga Drenasi. Delegacioni ynë i njoftuan me informacione të përgjithshme për Komunën e Drenasit, ndërsa në emër të kryetarit të komunës z. Nexhat Demaku i dhuruan Stemën e Qytetit tonë, si dhe një ftesë për kryetarin e komunës së Mimmingenit për një vizitë zyrtare në Drenas, të cilës ju përgjigj pozitivisht.

Zhvilluan një takime me Anëtarët e Komitetit për Ekonomi dhe Financa të Kuvendit Komunal të Memmingenit, ku shkëmbyen përvojat rreth funksionimit të kuvendeve me theks të veçantë atë të Komiteteve.

Po ashtu në këtë qëndrim disa ditorë u informuan më hollësisht për arsimin, shëndetësinë, kulturën, sportin dhe lëmi të tjera. Vizituan objektet kryesore të Qytetit.

Delegacioni nga Drenasi në vazhdën e takimeve zyrtare ishte pjesëmarrëse edhe në Seancën e Kuvendit Komunal të Memmingenit, ku me kërkesë të Kryetarit të Komunës së Memmingenit, z. Ivo Holzinger, Kryesuesi i KK të Drenasit z. Naim Bazaj mbajti një fjalim të shkurtër përshëndetës para Anëtarëve të Kuvendit Komunal, duke shprehur mirënjohje të madhe për mikpritjen e përzemërt.

Bëhet e ditur se nga pamundësia buxhetore për të angazhuar një përkthyes zyrtar, anëtari i Kuvendit Komuna z. Xhavit Drenori i cili është njohës i mirë i gjuhës gjermane ka luajtur edhe rolin e përkthyesit zyrtar.