Iniciativa "Ta pastrojmë Kosovën", në kuadër të Drejtorisë së Shërbimeve Publike dhe Emergjencë është zhvilluar edhe në Komunën e Drenasit, ku janë pastruar 10 deponi ilegale dhe këtij aksioni i janë përgjigjur dhjetëra kompani nga Drenasi, Këshilli i Veprimit Rinor Lokal, nxënës të shkollave dhe shumë qytetarë. Kryetari i Komunës, z. Nexhat Demaku i shoqëruar me Ministrinë e Ministrisë së Mjedisit dhe Planifikimit Hapësinorë, z. Ferid Agani dhe drejtorin e ndërmarrjes së Ferronikelit z. Ioanis Moutafis, kanë qëndruar në deponin me të madhe në fshatin Arllat.
Aksioni "Ta pastrojmë Kosovën", ka filluar në orën 10:00, fillimisht në qendër të qytetit ku këshilli rinor së bashku më nxënës kanë pastruar sheshin dhe hapësirat e tjera publike. Pastaj aksioni ka vazhduar në deponi për pastrim, ku këtij aksioni i janë bashkangjitur 10 kompani nga Drenasi me thirrjen që i është bërë nga Komuna, përkatësisht nga DSHPE-ja. Kryetari i Komunës së Drenasit, z. Nexhat Demaku gjatë aksionit të pastrimit në deponin e fshatit Arllat përgëzoj këtë iniciativë për pastrimin e deponive dhe bëri thirrje që të ruhet ambienti. "Falënderoj ndërmarrjen e Ferronikelit që i është përgjigjur këtij aksioni dhe gjithë kompanitë e tjera e ne veçanti partnerin GIZ ku është duke na mbështetur që në një afat të shkurtër nga 60 për qind të mbulushmerisë nen menaxhim që kemi të shtrijmë në njëqind për qind", ka thënë kryetari Demaku. Ndërsa ministri i MMPH-së, z. Ferid Agani deklaroi "shfrytëzoj rastin të falënderoj Kryetarin e Komunës për gjithë mbështetjen institucionale që ka bërë e po ashtu edhe kompaninë Ferronikeli e cila me këtë angazhim po e dëshmon që ka përkushtim për mbrojtjen e mjedisit dhe në këtë mënyrë po jep kontribut të drejtpërdrejtë dhe po jep shembull konkret që janë të përkushtuar për mbrojtjen e mjedisit. Ky partneritet institucional i të gjitha niveleve duhet të vazhdoj në mënyrë sistematike”, tha ministri Agani. Ndërsa, drejtori i ndërmarrjes NewCo Ferronikeli, z. Moutafis me këtë rast u shpreh se ndërmarrja që ai drejton çdo herë ka treguar gatishmëri për mbështetjen e iniciativave të tilla që janë në të mirë të qytetarëve të rajonit të Drenasit. Aksionit "Ta pastrojmë Kosovën në Drenas i janë bashkangjitur me logjistik organizata gjermane GIZ e cila është edhe partnere me Komunën e Drenasit në projektin për Menaxhimin e Mbeturinave, pastaj ndërmarrja e "Ferronikelit" e cila me makineri ka pastruar deponin në fshatin Arllat në lagjen Bytyçi, ndërmarrja "Pastrimi" ka pastruar qendrën e qytetit, kompania "Al-Trade" ka pastruar deponin në fshatin Damanek në lagjen Hoxha, "A&I Inginiering" në fshatin Nekoc ka pastruar deponin në lagjen Plakiqi, kompania "Shkëmbi" ka pastruar deponin në fshatit Dobroshec, "Vrellaku" deponin në fshatin Baicë, "Fer-Petrol" deponin në fshatin Gllobar, Trasing Group" deponin në fshatin Poklek dhe "G-ENG" deponin në Çikatovë të Re. Të gjitha deponit që janë pastruar do të shëndrrohen në parqe ku do të shfrytëzohen nga banorët, ndërsa në fund të këtij aksioni të gjithë pjesëmarrësit u bënë thirrje qytetarëve të Drenasit dhe më gjerë që ta ruajnë mjedisin ngase me një kujdes të shtuar do të kontribuojnë akoma më shumë në këtë drejtim.
