Sot, kanë përfunduar dëgjimet buxhetore të Komunës së Drenasit, ku është diskutuar planifikimi i buxhetit të komunës për vitin 2025 dhe projeksionit për vitet 2026-2027, ku me qytetarë pjesëmarrës, është diskutuar draft-lista e investimeve kapitale dhe përgjithësisht buxheti për vitet në vijim.
Fillimisht, dëgjimet buxhetore janë mbajtur në Bashkësinë Lokale të Komoranit me banorë të fshatrave; Komoran I, II, III dhe IV, Zabel i Ulët dhe i Epërm, Korroticë e Ulët dhe e Epërme, Fushticë e Ulët dhe e Epërme, Sankoc, Nekoc dhe Kizhnarekë. Në këtë dëgjim buxhetor ka marr pjesë kryetari i Komunës, Ramiz Lladrovci, drejtor të drejtorive komunale, administrator të këtyre vendbanimeve dhe shumë qytetarë si dhe përfaqësuesja e DEMOS-it. Banorët e këtyre zonave, kishin mundësinë të prezantojnë kërkesat e tyre për projektet më prioritare të cilat sipas mundësive buxhetore, do të përfshihen në projekt buxhetin për vitin 2025.
Në këtë dëgjim buxhetor, të gjithë pjesëmarrësit u informuan se kanë të drejtën e tyre të dërgojnë edhe në mënyrë elektronike dhe në formën fizike kërkesat e tyre.
Dëgjimet publike, janë përmbyllur në Drenas, me banorë të fshatrave, Drenas I, II dhe III, Shtrubullovë, Gllobarë, Vasilevë, Poklek i Ri dhe i Vjetër, ku edhe përfaqësuesit e këtyre vendbanimeve, kanë paraqitur kërkesat e tyre për planifikimin e buxhetit për vitin 2024.
Ekzekutivi i Drenasit, sot ka përmbyllur dëgjimet me qytetarë dhe deri në fund të muajit Gusht të këtij viti, qyfterët mund të ushtrojnë kërkesa pranë komunës, para se propozim vendimi të dorëzohet në Kuvend, përkatësisht para datës 30 Gusht, pastaj Kuvendi, sipas orarit të dëgjimeve, me datën 16 Shtator do të mbajë dëgjimin me qytetarë, për të diskutuar edhe një herë buxhetin e planifikuar për vitet në vazhdim.
Informata për buxhetin e Komunës së Drenasit mund t’i gjeni në këto vegëza;
Webfaqja zyrtare e komunës:
https://kk.rks-gov.net/gllogoc/category/degjime-buxhetore
Plateforma e Konsultimeve publike:
https://konsultimet.rks-gov.net/meetingsList.php
Kërkesat, komentet dhe sugjerimet, qytetarët mund t’i dërgoni edhe përmes këtyre emailave: albulena.saliuku@rks-gov.net, komuna.drenas@rks-gov.net, bekim.dobra@rks-gov.net
Ndryshe, 𝐛𝐮𝐱𝐡𝐞𝐭𝐢 𝐢 𝐊𝐨𝐦𝐮𝐧𝐞̈𝐬 𝐬𝐞̈ 𝐃𝐫𝐞𝐧𝐚𝐬𝐢𝐭 𝐩𝐞̈𝐫 𝐯𝐢𝐭𝐢𝐧 𝟐𝟎𝟐𝟓 𝐞̈𝐬𝐡𝐭𝐞̈ 𝐧𝐞̈ 𝐯𝐥𝐞𝐫𝐞̈𝐧 𝐩𝐫𝐞𝐣 𝟐𝟐 𝐦𝐢𝐥𝐢𝐨𝐧𝐞̈ 𝐞 𝟏𝟑𝟑 𝐦𝐢𝐣𝐞̈ 𝐞 𝟓𝟓𝟎 𝐞𝐮𝐫𝐨, nga pesë kategoritë buxhetore, 𝐤𝐚𝐭𝐞𝐠𝐨𝐫𝐢𝐚 𝐞 𝐢𝐧𝐯𝐞𝐬𝐭𝐢𝐦𝐞𝐯𝐞 𝐤𝐚𝐩𝐢𝐭𝐚𝐥𝐞 𝐩𝐞̈𝐫 𝐯𝐢𝐭𝐢𝐧 𝟐𝟎𝟐𝟓 𝐝𝐨 𝐭𝐞̈ 𝐣𝐞𝐭𝐞̈ 𝐧𝐞̈ 𝐯𝐥𝐞𝐫𝐞̈𝐧 𝐩𝐫𝐞𝐣 𝟕 𝐦𝐢𝐥𝐢𝐨𝐧𝐞̈ 𝐞 𝟑𝟎𝟖 𝐦𝐢𝐣𝐞̈ 𝐞 𝟗𝟒𝟎 𝐞𝐮𝐫𝐨.
