Më rastin e përmbylljes së vitit 2024, kryetari i Komunës së Drenasit, Ramiz Lladrovci ka nderuar me mirënjohje për përkushtimin në punë dhe promovim të vlerave të Komunës së Drenasit, gjatë vitit 2024.
“Viti që po ikën, ka qenë më i suksesshmi nder vite, ku Drenasi ka triumfuar ne të gjitha matjet e performancës e llogaridhënies që i janë bërë, prandaj është me e pakta që mund të bëjmë që në shenjë nderimi, të ndaj mirënjohje për gjithë ata që kanë kontribuar për promovimin e vlerave të Komunës për vitin 2024”, ka thënë kryetari me rastin e ndarjes së mirënjohjeve.
Kryetari Lladrovci, mirënjohje ka ndarë; Institucioneve Shëndetësore, Arsimore, të Policisë, Zjarrfikësve, Qendrës për Punë Sociale, Kadire Tahiraj-Drejtoreshë e Qendrës për Promovimin e Drejtave të Grave, Lindihana Qorri-Drejtoreshë e Shkollës Fillore të Mesme të Ulët “Zenel Hajdni” dhe personaliteteve të ndryshme që kanë kontribuar në jetën publike, përfshirë edhe mirënjohje post mortem.
Ndërsa mirënjohje ka nda edhe për disa nga punëtoret e dalluar të Administratës Komunale; Ruzhdi Lestrani, Kushtrim Bajraktari, Afrim Prokshi, Bekim Dobra, Arton Hasani, Vlora Zuqaku-Morina, Bekim Morina, Vlora Gjinovci, Lumnije Prenku, Lumturije Kiqina, Kamer Ramaj, Enver Hoxha, Shaban Dobra, Besart Bajrami, Bislime Dvorani, Gentiana Qela, Shpresa Bunjaku-Gashi, Shukrije Azizi-Veseli, Dardan Zeneli, Fadil Tahiri, Shukrije Haliti, Besim Thaqi, Luljeta Nebihu, Qendresë Xhema, Ksamil Ramadani, Lindihana Qorri, Fatlinda Zymberi dhe Agim Kastrati.
