Menaxhimi i deponisë inerte në Llapushnik dhe eliminimi i deponive të egra
Drejtoria e Shërbimeve Publike dhe Emergjencës rregullisht bën pastrimin e deponisë inerte në Llapushnik. Kjo deponi krijon kushte të përshtatshme për qytetarët që të bëjnë deponimin e materialeve inerte.
Kjo deponi është e dedikuar vetëm për mbeturina inerte. Ndalohet hedhja e mbeturinave të tjera si plastika, letra, qelqi, goma apo materiale të tjera voluminoze.
Për fat të keq, qytetarët e pandërgjegjshëm po krijojnë deponi të egra, të cilat cenojnë rëndë ambientin dhe shëndetin publik. Drejtoria është e përkushtuar që këto deponi të identifikohen dhe mbyllen, duke i përfshirë edhe në Raportin Vjetor të Menaxhimit të Mbeturinave.
Ftojmë qytetarët të na ndihmojnë në identifikimin e deponive ilegale dhe të kontribuojnë në mbrojtjen e ambientit duke mos hedhur mbeturina jashtë kontejnerëve.
Për çdo ndotje të ambientit dhe krijim të deponive të egra, do të pasojnë dënime të cilat nuk mund të ankimohen.
Një qytet i pastër fillon nga secili prej nesh! Ruajeni ambientin për një të ardhme më të shëndetshme dhe më të pastër për brezat e ardhshëm.
