8 Marsi – Dita Ndërkombëtare e Gruas
Në këtë ditë të veçantë, ne Komuna e Drenasit ne zyrtarët ndjejmë krenari dhe respekt të thellë ndaj kontributit të palodhshëm dhe rolit vendimtar që gratë luajnë në shoqërinë tonë.
8 Marsi nuk është thjesht një ditë për të festuar arritjet e grave; është një thirrje për veprim për të siguruar barazi të vërtetë gjinore dhe për të sfiduar çdo pengesë që gratë përballen me të në jetën e përditshme.
Komuna e Drenasit është e përkushtuar të mbështesë fuqizimin e grave në çdo sferë të jetës, duke nxitur pjesëmarrjen e tyre të plotë dhe të barabartë në vendimmarrje, ekonomi, arsim dhe çdo fushë tjetër 
.
Barazia gjinore në komunën tonë shprehet përmes politikave dhe shërbimeve të ndryshme që sigurojnë përfaqësim dhe mundësi të barabarta. 38.71% e përfaqësimit në asamblenë komunale, 48%,në punësim, 50% e drejtorëve në vendimmarrje janë gra, 73.12% e bursave për studente femra, 10.05% e subvencioneve për grat në bujqësi, 55.56% e subvencioneve për grat në biznes, 31.03 e mbështetjes në kulturë , 65.56 përfshirje në mirëqenje sociale dhe rehabilitim mjekësor. 66.67 zyra e kryetarit duke i dhënë përkrahje edukimit, punësimit, lidershipit për pjesëmarrje aktive në Komunë. Këto masa sigurojnë mundësi të barabarta për zhvillim dhe sukses për të gjithë qytetarët.
Sot, le të bashkohemi për të nderuar të gjitha gratë – ato që kanë hapur rrugë, ato që po luftojnë për të drejtat e tyre, dhe ato që janë shtyllat e familjeve dhe komuniteteve tona. Le të angazhohemi që jo vetëm sot por çdo ditë të punojmë për një të ardhme ku barazia gjinore është një realitet për të gjithë.
Prej sot le të bëjmë ndryshimin dhe të avokojmë së bashku edhe online, duke përdorur hashtag në postimet tona #BaraziGjinore
