Në bazë të raportit të DBZHE-së, për gjashtëmujorin e parë të vitit 2013, ne Qendrën Komunale për Regjistrimin e Bizneseve “One Stop Shop” në këtë periudhë raportuese janë regjistruar 159 biznese të reja dhe krahasuar me periudhën e njejt të vitit të kaluar, ku ishin të regjistruara 128 sosh, 31 biznese më shumë të regjistruara se vitin paraprak, apo shprehur në përqindje 24%.
Drejtori i Bujqësisë dhe Zhvillimit Ekonomik, Skender Hasi, thot se duke u bazuar ne rritjen e numrit të bizneseve, është si rezultat i krijimit të një ambienti shumë me të volitshëm i të bërit biznes në Komunen e Drenasit, ku përveç krijimit të kushteve me të volitshme në QRB “One Stop Shop” në Komunen tonë kemi bërë edhe disa reforma të politikave fiskale dhe administrative që stimulojnë dhe nxisin një zhvillim më të madh të bizneseve të cilat janë edhe shtyllë e zhvillimit të përgjithshëm ekonomik të Komunës së Drenasit. Pranë kësaj drejtorie përveç regjistrimit e riregjhistrimit, bizneset pajisen edhe me certifikatën e numrit fiskal me certifikatën e TVSH-se si dhe ofrohen trajnime, këshillime dhe konsulenca të nevojshme për të gjitha bizneset e interesuara që operojnë në teritorin e Komunës. Gjatë kësaj periudhe raportuese në këtë drejtori janë organizuar trajnime për bizneset fillestare dhe ekzistuese ku kanë marrë pjesë 40 biznese të cilat janë pajisur me certifikata si dhe biznesplanet me të suksesshme kanë përfituar grande dhe konsullenc falas. Këto trajnime janë organanzuar në bashkëpunim me Komunën dhe BSCK-në. “Në komunën e Drenasit do të vazhdojnë me politika avancuese për krijimin e një ambienti më të volitshëm dhe do të shpallim edhe zona promovuese për investitor vendor dhe të jashtëm me kushte shumë të volitshme me të vetmin qëllim që të joshim dhe nxisim investime të cilat do të rrisin shkallen e zhvillimit ekonomik dhe hapjen e vendeve të reja të punës.
