QSHQ

Qendra për Shërbim të Qytetarëve në Komunën e Drenasit:

Rinore Zymeri

Shefe e Qendrës për Shërbim të Qytetarëve – Komuna e Drenasit

Tel:        +381 38 200 40833

Mob:      +383 49 977 788

E-mail:    rinore.zymeri@rks-gov.net

Shefkije Elshani

Zyrtare e Qendrës për Shërbim të Qytetarëve

Mob:      +383 49 978 823

E-mail:    shefkije.elshani@rks-gov.net

Shpresa Bunjaku

Zyrtare e Qendrës për Shërbim të Qytetarëve

Mob:      +383 49 978 821

E-mail:    shpresa.bunjaku@rks-gov.net

Afrore Kajtazaj-Sinani

Zyrtare e Qendrës për Shërbim të Qytetarëve

Mob:      +383 49 978 822

E-mail:    afrore.sinani@rks-gov.net

Fejzullah Karaxha

Zyrtar i Qendrës për Shërbim të Qytetarëve

Mob:      +383 49 978 825

Funksionimi i qendrës

1. Qendra funksionon si pjesë e strukturës organizative të administratës së komunës.
2. Qendra duhet të vendoset në hyrje tëndërtesës së komunës si kontakt i parë i qytetarëve në komunë. 3. Kur komuna merr një kërkesë me shkrim që është jashtë kompetencave të veta, pa vonesë do t’ia kalojë kërkesën organit tjetër kompetent dhe do ta njoftojë palën.
3. Qendra në koordimin me Zyrën për Infomim Publik, bëjnë publike të gjitha njoftimet përmes faqes zyrtare të komunës si dhe në tabelën e shpalljeve.
4. Çdo shërbim publik që ofron komuna, duhet të protokollohet përmes qendrës dhe secila drejtori duhet të jetë e lidhur me këtë qendër.
5. Qendra për shërbimin eqytetarëve në komunë duhet të bashkëpunojë me drejtorit komunale dhe njësit organizative brenda drejtorive komunale.

Shërbimet e qendrës

1. Qendra pranon dhe procedon për shqyrtim dhe vendosje kërkesat e qytetarëve në drejtorit komunale dhe njësit organizative brenda drejtorive.

2.Qendra ofron shërbime tjera si vijon:

2.1 shërbimet e arkivës, shërbimet e gjendjes civile, tatimin në pronë, shërbimet kadastrale dhe të gjitha shërbimet tjera;

2.2 përgatitja dhe vënia në dispozicion e broshurave dhe fletëpalosjeve informative për qytetarët dhe grupet e interesit;

2.3 këshillimi dhe ndihma teknike administrative për mënyrën e plotësimit të kërkesave;

2.4 pranimi dhe regjistrimi i kërkesave;

2.5 mbajtja e dosjeve, statistikave të kërkesave të paraqitura nga qytetarët;

2.6 shtypjen e librit të protokollit për kërkesat nga sistemi i intranetit;

2.7 marrja e opinionit të qytetarëve për shërbimet që ofrohen nga qendra;

2.8 leximi dhe përcjellja e lëndëve të paraqitura përmes platformës së intranetit;

2.9 përcjellja përmes intranetit e lëndëve tek drejtoritë përkatëse dhe marrja e përgjigjes;

2.10 qasjen unike për qytetarë, grupe të interesit dhe informimin e tyre lidhur me procedimin e lëndëve përmes intranetit;

2.11 protokollimin e të gjitha akteve të nxjerra nga organet e komunës;

2.12 protokollimi në njësinë e administrimit të dokumenteve, me numër unik të protokollit përmes sistemit të soft-verit;

2.13 përgjegjësi në ofrimin e shërbimeve on-line.

2. Qytetarët mund ti marrin shërbimet të caktuara edhe përmes E-kioskës.
3. Qendra ofron shërbime cilësore për përmirësimin e vazhdueshëm të shërbimeve administrative.

Komunikimi dhe informimi

1. Personeli i qendrës komunikon në mënyrë korrekte dhe transparente, me qytetarët që i drejtohen komunës dhe ju përgjigjet kërkesave brenda afateve ligjore.
2. Qendra merr informacione të përditshme nga organet e komunës, mban të informuarqytetarët dhe grupet e interesit, për vendimet e marra duke respektuar rregullat dhe procedurat ligjore.
3. Qendra, informon parashtruesit e kërkesave për rrjedhën e procedurës dhe lëndës së adresuar.
4. Qendra duhet të informoj dhe të ofroj shërbime të hapura on-line në të cilën do të kenë qasje të barabartë të gjithë qytetarët dhe grupet e interesit.
5. Qendra duhet të ofrojë shërbime cilësore dhe të jetë transparente në ofrimin e shërbimeve për qytetarët dhe grupet e interesit.

Përgatitja e materialeve informative

1. Qendra në bashkëpunim me drejtorit komunale dhe njësit vartëse të drejtorive përgatit udhëzues për përgjegjësit e organeve të komunës, të drejtat e qytetarëve dhe grupeve tjera të interesit dhe në koordinim me Zyrën për informim publik i publikon në faqen zyrtare të komunës.
2. Qendra siguron dhe ofron fletëpalosje informative, ku përshkruhen procedurat përrealizimin e të drejtave të qytetarëve dhe grupeve të interesit.
3. Ofrimi i shërbimeve për qytetarët dhe grupet e interesit në qendër bëhet duke respektuar gjuhët zyrtare sipas legjislacionit në fuqi.

Këshillimi dhe ndihma profesionale

1. Qendra, në bashkëpunim me drejtorit komunale përgatit dhe vë në dispozicion të qytetarëve formular për të gjitha llojet e kërkesave, formularët duhet të jenë të qasshëm në mënyrë elektronike në faqen zyrtare të komunës.
2. Personeli i qendrës, sipas kërkesës, ndihmon qytetarët për të plotësuar formularët, i njofton për afatet ligjore dhe të drejtën e ankesës në organin më të lartë administrativ në pajtim me legjislacionin në fuqi.

Regjistrimi i kërkesave

1. Në qendër regjistrohen dhe protokolohen kërkesat me numër unik për të gjitha organet e komunës, sipas drejtorive komunale dhe njësive tjera organizative të parapara me legjislacionin në fuqi.
2. Komuna duhet të ketë vetëm një numër unik të protokollit.
3. Nëse kërkesa e parashtruar për zgjidhjen e lëndës në procedurë administrative nuk është e plotë, qendra i kërkon parashtruesit që ta plotësoj kërkesën, në formë të drejtpërdrejt apo në formë elektronike.
4. Sipas detyrës zyrtare provat sigurohen nga vetë organi, kundrejt pagesës së taksës administrative dhe kërkesës së protokolluar me numër unik. Pas plotësimit të lëndës ajo procedohet nga zyrtari i autorizuar në Njësinë e administrimit të dokumenteve.
5. Parashtruesi i kërkesës informohet për afatin ligjor, brenda të cilit do të vendoset për kërkesën.
6. Në përfundim të procedurës administrative kërkesat kthehen në qendër, e cila obligohet që t’ia përcjell parashtruesit, në kopje fizike ose elektronike.
7. Qendra gjatë ofrimit të shërbimeve dhe pranimit të kërkesave duhet të koordinohet më të gjitha drejtoritë që të mos kërkoj informacione të dyfishta nga qytetarët dhe grupet e interesit.
8. Lëndët e përfunduara në procedurëadministrative trajtohen sipas dispozitave të legjislacionit përkatës.

Mbajtja e statistikave të kërkesave

1. Qendra mban evidencën e saktë për të gjitha kërkesat e qytetarëve të adresuara në komunë.
2. Qendra duhet të paraqesë raport statistikor tek drejtoria e administratës për lëndët e pranuara, të përfunduara dhe të pa zgjidhura nga organet e komunës.
3. Qendra në komunë duhet të garantoj ruajtjen afatgjate të shënimeve elektronike dhe informacioneve të tjera, sipas legjilacionit në fuqi.

Opinioni i qytetarëve për shërbimet që ofrohen nga qendra

1. Qendra, brenda orarit të punës është e gatshme t’i dëgjoj dhe pranoj opinionet e qytetarëve, të cilat mund të ndikojnë në përmirësimin e shërbimeve të ofruara nga organet e komunës dhe i përcjellin ato në administratën e komunës, në formë të shkruar dhe përmes komunikimit on-line.
2. Qendra, evidenton opinionet sugjerimet dhe komentet e qytetarëve dhe grupet tjera të interesit si dhe informon organet përgjegjëse për përmirësimin e shërbimeve të komunës.

Ofrimi i shërbimeve tjera

1. Qendra mund të ofrojë edhe shërbime tjera ashtu siç obligohet nga organi mbikëqyrës i komunës.
2. Organi i komunës i cili e obligon qendrën me ofrimin e shërbimeve tjera, parashtron edhe mënyrën e ofrimit të këtyre shërbimeve.